Volkswagen ID.Unyx — Қытайға арналған жаңа батареялы кроссовер

Компания JAC-пен бірлесіп өндіретін ID.Unyx-тің суреттерін жариялады. Бренд кроссоверді екі күштік құрылыммен жабдықтайды, саудаға шілденің аяғында шығады.

Көліктің техникалық сипаттамасы құпия емес, себебі компания жаңа өнімді шығаратынын Бейжіңдегі автосалонда меңзеген, ал кейбір сипаттамасын жергілікті Өнеркәсіп министрлігі жария етті. Алайда Volkswagen ресми суреттерін алғаш рет көрсетті.

1 / 9

• 
• 
• 
• 
• 
• 
• 
• 
• 

1 / 9

Электрокар Cupra Tavascan-ның бір түрі болатын сияқты. Алды бірегей дизайнда жасалған және капотты бойлай жарық техникасын, басқа дөңгелек дискісін және күңгірт элементтермен үйлесетін алтын түстес шанақ декорын алады. Интерьерінің сапалы суреттері әлі жоқ, бірақ тыңшылар түсірген фотодан салоны өте ұстамды көрінеді.

Өлшемдері — 4663×1860×1610 мм, дөңгелек базасы — 2766 мм. Базалық ID.Unyx артқы осьтегі 231 ат күшіне ие мотормен жүреді, қымбатырақ модификацияның алдыңғы осіне 109 ат күшін беретін агрегат қосылады, күштік құрылымның жалпы қуаты 340 ат күшін құрайды. 82.4 киловаттық бір ғана CATL батареясымен жабдықталады, ол электрокарға 565 немесе 621 шақырым жүруге мүмкіндік береді.

Автомобиль Volkswagen Anhui кәсіпорнында шығады, оның 75 %-ы немістерге тиесілі. 2027 жылға дейін VW Қытайға осы кроссовермен бірге ID.UX топтамасына енетін бірнеше электромобиль ұсынады. Компания олар аса «зерек» болады деп уәде берді.