Volkswagen ID.4-тің есігі кенеттен ашылып кетуі мүмкін

Компания АҚШ-та 2021-2024 жылдары шыққан Volkswagen ID.4-тің 98 806 данасын үшінші рет сервиске шақырады. Бұған себеп ішкі жабдықтағы ақау. Есік тұтқасының механизміндегі басқару тақтасына су кірсе, электр жетектің өздігінен іске қосылуына әкеледі.

Абырой болғанда, бұл адамдардың жарақат алуына не апатқа түсуіне ықпал еткен жоқ. Былтыр маусымнан биыл мамырға дейін компанияға осындай жағдай бойынша 135 шағым түскен деп хабарлады Carscoops.

ID.4 иелері қызмет көрсету орталығына баруы қажет, онда мамандар көлікті тексеріп, қажет болған жағдайда есік тұтқасын ауыстырады. Алдағы уақытта есік кездейсоқ ашылмау үшін бағдарламалық жасақтама жаңарады. Компания сервистік кампания қашан басталатынын кейінірек хабарлайды.