45 жыл бұрын Германияда Джорджетто Джуджароның қаламынан шыққан Volkswagen Golf хэтчбегінің өндірісі бастау алған еді. Оны «Жук» үлгісін алмастырады деген ниетте сол кезеңдегі Audi-мен үндестірген болатын. Алғашқы буындағы жап-жаңа Golf автосалондарда 7 995 маркаға, яғни қазіргі өлшемге сай айтқанда 12 мың еуроға тең сомаға сатылды.
Бүгінгі күнге дейін бірнеше буын алмастырған Golf-тің қазіргі уақытта жетінші буыны саудалануда, сегізіншісінің де көпке таныстырылатын күні алыс емес. Осы уақыт аралығында автокөліктің бағасы ғана емес (Германияда 19.5 мың еуро), көлемі де біршама артты. Хэтчтің ұзындығы 3.7-ден 4.3 метрге дейін өсіп, темір тұлпар 750-ден 1 240 келіге дейін салмақ қосқан.
45 жыл ішінде Golf-тің 35 миллионнан астам Golf көліктері жарық көрді, яғни жылына 780 мыңнан аса автокөлік сатылып отырған. Бұл рекордтық болмаса да, ауыз толтырып айтуға болатын тамаша көрсеткіш. Аталған үлгі Қазақстанда да танымал. Десе де көбіне екінші және үшінші буындағы үлгілері сұранысқа ие. Кейінірек шыққан Golf-тер жергілікті халықтың қызығушылығын оята алмады, ал жетінші буыны біздің елде тіпті ресми түрде сатылмайды да.
Комментариев: 0