Volkswagen электрлі универсал шығарды

2019 жылы компания ID. Space Vizzion деп аталатын электрлі универсал концептісін көрсетті, ал биыл ақпанда ол серияға шықты. Көлік ID.7 топтамасына кіреді. Бренд модельді тек Еуропада сатуды жоспарлап отыр.

1 / 6

• 
• 
• 
• 
• 
• 

1 / 6

Электромобильдің ұзындығы — 4961 мм, ені — 1862 мм, биіктігі — 1536 мм және дөңгелек базасы — 2971 мм. Өлшемдері қарапайым лифтбекпен бірдей. «Турердің» жүксалғыш көлемі 73 литр (605 литр), артқы орындықтарды бүктегенде 128 литр (1714 литр) өседі.

Артқы осьте орналасқан ID.7 Tourer-дің электрлі моторы 286 ат күшін (545 Нм) береді. Базалық нұсқа сыйымдылығы 77 кВт·сағ батареямен жабдықталады, ал қымбатырақ түріндегі аккумулятордың сыйымдылығы 86 кВт·сағ болады. Қарапайым модификацияның жүріс қоры әлі белгісіз, бірақ үздік нұсқасы 685 шақырым жүре алады. Жылдам қуаттау бекетінде көлікті 10-нан 80 пайызға дейін қуаттауға 30 минуттан аз уақыт кетеді.

1 / 4

• 
• 
• 
• 

1 / 4

ID.7 Tourer салоны кәдімгі лифтбекпен бірдей. Volkswagen автомобильде ChatGPT жасанды интеллектісі бар 15 дюймдік медиакешен, электр жетекті желдеткіш дефлекторы, массаж жасайтын орындықтар және түймесін басып түсін реттеуге болатын электрофотохромды әйнектен жасалған панорамалы шатыр болатынын айтты.

Компания Tourer-ді стандарт ID.7 және ID.4 шығаратын Германиядағы зауытта жасайды. Универсалдың құны әлі жарияланбады.