Volkswagen PKW басқарма мүшесі және жеңіл көліктер сату жөніндегі директоры Клаус Цельмер Münchner Merkur газетіне берген сұхбатында «ІЖҚ бар көлік шығаруды Еуропада 2033-2035 жылдар аралығында, АҚШ пен Қытайда сәл кешірек тоқтатамыз. Ал Оңтүстік Америка мен Африкада саяси және инфрақұрылым негіздерінің болмауына байланысты бұл қадам кейінірек жүзеге асады», — деді.
Алайда электр энергиясын әлі де көмірмен жұмыс істейтін электр станцияларында өндіретін елдер бар, мұндай нарыққа экологиялық мақсатта электромобиль енгізудің еш мәні жоқ, — деген Цельмер-дің пікірін Deutsche Welle жариялады. ЕЭО мен Қазақстан да сол қатарда. Сондықтан концерннің Калуга мен Нижний Новгородтағы зауыттары «поло», «шкода» және бензинмен жүретін бірқатар кроссоверді жалғасты шығара береді.
Клаус Цельмермен сұхбат 25 маусымда жарияланды, ал одан үш күн бұрын Volkswagen Group-тің еншілес компаниясы Audi-дің жоспары белгілі болды. Олардың өнімдері негізінен премиум сегментте болғандықтан, мақсаты тым биік. 2025 жылы Ингольштадт ІЖҚ бар соңғы жаңа моделін шығарады. Ал 2026 жылдан бастап компания тек электрлі көлік өндіреді.
Комментариев: 0