Алматыда велосипед жолақтары пайда болғаннан кейін, қала тұрғындары автомобиль жүргізушілерінің оларды жиі көзге ілмейтінін байқаған еді. Жүргізушілер аталған жолақтарға көліктерін қойып, солар арқылы кептелісті айналып өтіп, одан қалса дәл осы жолақтар арқылы бұрылуды әдетке айналдырған. Алғашқы екі мәселе әлі де өзекті болып отыр, ал енді соңғы мәселені жол жөндеушілер шеше бастады.
Шевченко көшесіндегі бұрылыстарға жақын велосипед жолақтарын арнайы қызыл бағаналармен қоршап қойыпты. Олар жүргізушілерді тиіс емес қатардан солға бұрылу райынан қайтаруға тиіс. Дәл осындай бағаналардың жуық арада басқа да велосипед жолақтарында пайда болуы мүкін. Атап айтқанда, сөз Қонаев пен Жароков көшелеріндегі жолақтар жайлы болып отыр.
Комментариев: 0