Колумбия федералдық округінде көлік жылдамдығын өлшейтін 546 бейнебақылау камерасы бар. Carscoops хабарлағандай, олар былтыр қазынаға 267 млн доллар кіріс әкелген.
Конгрессмен Скотт Перри «жол қозғалысын автоматты бақылау жүйесі қауіпсіздікті арттыру үшін емес, табыс табу мақсатында қолданылып отыр» деп санайды. Сондықтан әділдік пен азаматтық құқық қағидасын басшылыққа ала отырып, көлік министрлігі Вашингтондағы жылдамдық, бағдаршам және «Стоп» белгісі талабының сақталуын қадағалайтын бейнекамераларды алып тастауға дайын. Бұл бастама қолдау тапса, жыл аяғына дейін күшіне енуі мүмкін.
Бұл шешімді жүргізушілер қолдап отыр, ал қала басшылары камераны сақтап қалуды көздейді. Шенділер камера болмаса, жолдағы жағдай нашарлап, полицияға түсетін жүктеме артады әрі қала бюджеті қаражаттан қағылады деп санайды.
2025 жылы Канадада скоростемер туралы осыған ұқсас пікір айтылған. Онтарио провинциясының билігі жылдамдықты автоматты бақылаудан бас тарту жөнінде шешім шығарды.
Комментариев: 0