Халық арасында вафельді жолақ аталатын сары жолақтардан тұратын белгі Астанадағы Тұран даңғылы мен Сығанақ көшесінің қиылысында пайда болды. Тік қозғалыс барысында, сызықты белгінің ішінде тоқтауға болмайды, бұл кептеліс қалыптасқан аумаққа шығатын жол ережесін бұзушыларды анықтауды жеңілдетеді.
Соңғысы, шын мәнінде мұндай белгі ЖҚЕ-мен бекітілген елдерге қатысты. Қазақстан әзірге ондай елдердің қатарына кірмейді, десе де мұны уақыт көрсететін сияқты: шілденің басынан осыған ұқсас белгі Қарағандыда сыналуда. (https://kolesa.kz/content/news/vafelnaya-razmetka-poyavilas-na-dorogah-kazahstana/).
Астана қалалық ІІД баспасөз қызметінде хабарлағандай, вафельді белгі қиылыс шектерін, нақтырақ айтсақ, жүргін бөліктердің қиылысу жолақтарын көруге көмек береді. Жүргізуші тек оңға бұрылу барысында жаяу жүргіншілерге жол беру үшін, және солға бұрылу барысында — жаяу жүргіншілер мен қарсы бетте келе жатқан көлікке жол беру үшін ғана сары түсті тор аумағына еніп, тоқтауға құқылы болады деп топшылануда. Ал көлденең бағыттағы көлік құралдарының қозғалысына кедергі келтіріп, жүргізушіні қиылыс шегінде тоқтауға мәжбүр ететін кептеліс қалыптасқан жағдайда, белгі аумағына өтуге тыйым салынады. Ал соңғысы, айтпақшы, қолданыстағы ҚР ЖҚЕ-нің 13.2 тармағындағы мәтінді қайталайтындай, және ол үшін тиісті жаза әлден тағайындалады.
Баспасөз қызметінде жаңа белгі тәжірибелік мақсатта елорданың ең күрделі қиылыстарының біріне қойылды, және дәл осы белгіге қатысты ережені бұзғандарға әзірше айыппұл салынбайды дегенді атап айтты. Кейінірек оған жаңа ескерту белгісін қосу жоспарлануда. Мысалы, вафельді белгі 2018 жылдың 28 сәуірінде заңдастырылған Ресейде, бұл жол белгісі сұр түсті фонға сызылған екі диагональ сызықтан тұратын сары шаршы пішінінде жасалған. Астана ІІД ұсынған нұсқа одан өзгешелеу.
Айтпақшы, Қазақстанда кептеліс қалыптасқан қиылысқа өткені үшін жаппай айыппұл салу жөніндегі ізгі ниетке заңнаманың кемшін тұсы кедергі келтіреді. 2017 жылдың желтоқсанындағы ӘҚБК-не енгізілген кезекті өзгерістер кептеліс қалыптасқан қиылысқа өткені үшін (594-баптың 1-бөлігі) тағайындалатын жазаны жеңілдеткен болатын, және енді ереже бұзғаны үшін салынатын 10 АЕК көлеміндегі айыппұл орнына, ескерту немесе 3 АЕК айыппұл салынады, не болмаса бір жыл ішінде қайта бұзылған ереже үшін 7 АЕК көлеміндегі айыппұл тағайындалуы мүмкін.
Неліктен бұл кемшілік елеулі болып табылады? Мәселе мынада, автоматты режимде жұмыс істейтін сертификатталған бақылау-өлшеу аспаптары арқылы тіркелген ереже бұзулар үшін тек айыппұлды төлеу жөніндегі ұйғарым (https://kolesa.kz/content/articles/kak-i-kogda-platit-shtrafy-s-kamer/) ғана жазылуы мүмкін. Ескертулер жаппай таратылмайды. Және бұл кептеліс орын алған қиылысқа өту сәттерін «Сергек» камералары жазып алмайды дегенді аңғартадыі. Нақтырақ айтсақ, kolesa.kz-ке «Коркем-телеком» ЖШС-нің директоры Әсет Ахметов хабарлағандай, тіпті тиісті алгоритм жазылған болар. Бірақ ӘҚБК-не былтыр енгізілген өзгертулер бұл бағыттағы жұмыстың мәнін жоғалтқандай.
Вафельді белгінің Қазақстандағы ірі қалалар трафигіне оң әсер беретініне күмән жоқ, әрине. Және оның Астанада пайда болуы ЖҚЕ мен ӘҚБК-не кезекті өзгертулер енгізуге себеп болатынын білдіреді Не болмаса, ештеңе де білдірмеуі мүмкін. Мысалы, қызыл түсті плюс белгісі бар бағдаршамдар 2016 жылдан бастап заңнан тыс қалып келеді.
Комментариев: 0