АҚШ жол қауіпсіздігін сақтандыру институты (IIHS) Lexus, GM, Ford, Genesis, BMW, Mercedes, Nissan, Volvo және Tesla-ның 14 түрлі жартылай автономды басқару жүйесін жан-жақты сынады. Бейімді круиз-бақылау жүйесін әзірлеушілер электрониканың көлікті жолақта ұстау, қашықтық пен жол ережесін сақтау қабілетін ғана бағалап қоймай, жүргізушінің әрекетін бақылауға мән берді. Оған жүргізушінің қозғалысты бақылап отырғаны, ол ескерту сигналын елемеген немесе кенет естен танып қалғандағы автопилоттың әрекеті кіреді.
Сынақ нәтижесі ұйымдастырушылардың көңілінен шықпады. IIHS командасы 14 жүйенің 11-ін «нашар» деп бағалады, оның ішінде C-Class-тағы Distronic интеллектуалды круиз-бақылауы, BMW Active Driving Assist Pro, базалық Tesla Autopilot және оның жақсарған FSD нұсқасы бар. Сол себепті көптеген жүйе жүргізуші жолға қарап тұр ма, қажет кезде басқаруды жылдам өзіне алуға дайын ба, соны дұрыс бақыламайды немесе берілген функцияларды орындау үшін техникалық жағынан нашар жабдықталған.
Мамандар Nissan Ariya-дағы ProPilot Assist пен GMC Sierra-дағы Super Cruise кемшіліктерін «болмашы» деп сипаттады, өйткені олар жүргізушінің жағдайын анықтағаннан кейін дереу дыбыстық және визуалды ескерту жасап, көлікті жедел баяулату әрекетін іске қосқан.
LS седанының үздік нұсқасындағы Lexus Teammate «тиімді» деп саналған жалғыз жүйе. Ол миллиметрлік ауқымы бар радармен, ультрадыбыстық сезгектермен, стереокамерамен, оптикалық және лазерлі қашықтық өлшеуіштермен, сондай-ақ дәлдігі жоғары картамен жабдықталған. Қарапайым Lexus-тың көмекшілері де «нашар» болып шықты.
Автономды басқару мүмкіндіктеріне келетін болсақ, институт GM Super Cruise және Tesla Full Self-Driving жүйесіне оң баға берді. Олар жүргізуші көмегінсіз жолақ ауыстыра алады.
Комментариев: 0