Өнеркәсіп және құрылыс министрлігі утиль алымының мәселесін қарайтын комиссия құрамын бекітті. Топқа депутаттармен қатар өнеркәсіп және құрылыс, экология және табиғи ресурстар, қаржы, ауылшаруашылық, цифрлық даму және аэроғарыш өнеркәсібі вице-министрлері кірді.
Бұл мәселені мәдениет және ақпарат вице-министрі мен сыртқы істер министрінің орынбасары, басқа мүдделі органдардың өкілдері де талқылайды. Одан бөлек петицияның авторы мен қоғамдық ұйымдардың, сарапшылар қоғамының және өнеркәсіп секторының өкілдері қатысады.
Министрлік жұмыс тобының қызметі туралы барлық мәліметті ресми сайты мен t. me/minpromstroykz телеграм-каналы арқылы жариялап отырады.
Утиль алымы мен бастапқы тіркеу алымын алып тастау туралы eOtinish сайтында жарияланған петиция аз ғана уақытта 50 мың қол жинаған. Сол себепті ел тұрғындарының өтінішін үкімет қарайды.
Бірнеше күн өткенде Өнеркәсіп министрлігі утиль алымын жақтайтын петиция жариялады, сол кезде Qarmet (бұрынғы Arcelor Mittal) жұмысшыларын қол қоюға мәжбүрледі деген сыбыс шықты. Тағы біраз уақыттан соң СемАЗ бен Hyundai Trans Almaty қызметкерлерінің петицияны қолдап жазған видеосы тарады. Қазір шенділердің петициясы 20 мың қол жинады. Ал ол мемлекеттік деңгейде қаралу үшін кем дегенде 50 мың қол жинауы керек.
Комментариев: 0