14 мамырда утилизациялық алымның мөлшері өзгеріп, бұрынғымен салыстырғанда екі есе азаяды. Бірақ тура екі есе емес, шамамен. Өйткені алымның базалық мөлшерлемесі (50 АЕК) емес, коэффициенті төмендейді. Мысалы, қозғалтқыш көлемі 1 литр мен 2 литр аралығындағы көліктер үшін коэффициент бұрын 7 болатын, 16 мамырдан бастап ол 3.5 болады. Ақшамен есептегенде төлем тура 50 %-ға кем болуы керек еді. Бірақ сәуірде АЕК өскен жоқ. Сондықтан биыл 1 қаңтарда қабылданған АЕК мөлшеріне (3063 теңге) сай төлем қабылданады.
Шенділер бұл сәйкестіктің кездейсоқ екенін айтады.
Қарапайым есеп арқылы алым мөлшерінің екі есе азаймағанын білуге болады. Нақты айтқанда, 1.92 есе ғана. Қозғалтқыш көлемі 1-2 литр болатын машинаны мысалға алып, айырмашылықты есептеп көруге болады.
Қазіргі коэффициент пен АЕК бойынша утиль алымы:
50×7×3063 = 1 072 050 теңге
Жаңа коэффициент бойынша:
50×3.5×3063 = 536 025 теңге болады.
Қозғалтқыш көлемі әртүрлі машиналарды да мысалға алып көреміз.
Демек көктемде АЕК мөлшері өскендіктен +20 475 теңге айырмашылық шығып отыр.
Енді қозғалтқыш көлемі әртүрлі машиналарды мысалға алып көрейік.
Қозғалтқыш көлемі 995 текше сантиметр болатын Chevrolet Spark үшін қазір 459 450 теңге утиль алымы төленеді, ал 16 мамырдан бастап ол 229 725 теңге болады.
Kia Sportage (1600 текше сантимертр) үшін алым мөлшері 1 072 050 теңгеден 536 025 теңгеге төмендейді.
Қозғалтқыш көлемі 2500 текше сантиметр Toyota Camry алсаңыз, бұрынғыдай 1 531 500 теңге емес, 765 750 теңге төлейсіз.
Қозғалтқыш көлемі 3 литрден асатын машиналарда айырмашылық бұдан да үлкен. Мысалы, 4 литрлік моторы бар Toyota Land Cruiser Prado-ның алымы 3 522 450 теңгеден 1 761 225 теңгеге түседі.
Сатып алушылардың қалтасына түсетін салмақ азаяды. Бірақ көп емес. Мысалы, жылы сәл жаңа Camry 70 қазір 15–20 млн теңге тұратынын ескерсек, утиль алымының 765 мың теңгеге (1.5 мың доллар) төмендегенін аса үлкен жеңілдік деуге келмейтін шығар. Кейінгі бір жылда біздің елде машинаның қатты қымбаттауына валюта бағамының тұрақсыздығы мен көлік тапшылығы көп әсер етті.
Комментариев: 0