Ural-дың жаңа мотоциклі Қытайда жасалады

Ural Motorcycles ресейлік мотоөндірушінің қазіргі топтамасына мүлде ұқсамайтын Neo 500 деп аталатын жаңа модельді таныстырды.

Мотоцикл тур-эндуро стиліндегі заманауи сырт пішіні, аналогты аспаптар панелінің орнындағы 7 дюймдік экран, бүртабан шина және 750 кубтық оппозит қозғалтқыштың орнын басқан 446 кубтық мотормен ерекшеленеді. Агрегаттың қуаты аз, 40 ат күшін ғана береді.

Жаңа өнімнің Ural Gear Up-тан айырмашылығы көп, бірақ екеуінің ұқсас детальдері де бар. Мысалы, Neo 500 ескі модель сияқты иінтірегі бар алдыңғы аспамен жабдықталған.

Ural Neo 500-ді Ресей немесе Қазақстан емес, компанияның Қытайдағы Yingang зауыты құрастырады. Оны Neo 500-дің Yingang SUV 500 II деген өзгеше атауына қарап білуге болады.

Ural Motorcycles мотоцикл үшін басты нарық АҚШ болады деп сеніп отыр, компания жаңа өнімнің прототипін сол елде көрсетті. Модель келер жылы саудаға шығады, бағасы шамамен 15 мың доллар болады. Яғни жаңа өнім қазіргі Gear Up-тан біршама арзан, оның құны — 20 мың доллар.