Ресейдегі Кубинка қаласында өтіп жатқан «Армия-2022» форумында «Урал» толық жетекті автономды жүк көлігінің прототипін жұрт назарына ұсынды.
Автомобиль зауыт былтыр таныстырған «Урал-66» моделіне негізделіпті. Демек 4 тоннаға жуық жүк көтеруге қауқарлы пилотсыз машина 215 ат күші мен 748 Нм момент беретін 4.4 литрлік ЯМЗ-534 моторымен жүреді.
«Урал» толықтай автономды режимде қозғала алады, сонымен қатар көлікті пульт көмегімен қашықтан басқаруға болады.
Жоба авторлары оны әскери тапсырма орындау үшін ғана емес, күнделікті тұрмыста да қолдануға мүмкіндік бар деп ойлайды. Сондықтан көрмеге қатысқан көлік хаки және қызғылт сары түске боялған.
Комментариев: 0