Үндістанда Hyundai Creta алатындар кезекке тұрып жатыр

Рестайлингтен өткен Hyundai Creta Үндістан нарығында саудасын қарқынды бастады. Қаңтардың басында тапсырыс қабылдау басталғаннан бері 25 мыңнан астам өтінім жиналыпты. Үндістандықтар «Кретаның» кейбір комплектациясын бірнеше ай күтуге мәжбүр. Елде кроссовердің тағы бір нұсқасы жақын арада шығады.

Жергілікті БАҚ-тың хабарлауынша дизельді қозғалтқышы бар Hyundai Creta-ның үздік нұсқасына тапсырыс бергендер қиындыққа тап болды, себебі күту мерзімі бес айға созылуы мүмкін. Мұны дәл осы «Кретаға» сұраныстың жоғары болғаны және өндірістегі ең қымбат дизельді кроссовердің тапшылығы салдарынан деп түсіндіруге болады.

Hyundai тапсырыс түскеннен кейін бензинді қозғалтқышы бар қолжетімді кроссоверді 3-4 айда жеткізуге уәде береді және бұл 115 ат күші бар атмосфералы моторға да, 160 ат күшін беретін турбомоторға да қатысты. Көлікке тапсырыс бергендердің 40 %-ы автомат қорабы бар опция таңдапты. Компания биыл Үндістанда Creta-ның миллион данасын сатпақшы. Модель мұнда 2015 жылы сатыла бастады.

Қозғалтқышты, беріліс қорабын және жабдықтар тізімін ескере отырып, бренд бұл елге Creta-ның 19 нұсқасын ұсынды. Жақында қатарға тағы біреуі қосылады. Біраз уақыт бұрын Creta N Line көзге түсті. «Спорттық» кроссоверді ресми жарнама түсірілімі кезінде суретке түсіп қалған. Бұл Creta-ның сырт пішіні басқаша бампер арқасында қатал көрінеді, салонда спорттық акцент пайда болды және аспасы қайта реттелді. N Line нұсқасы ең қуатты қозғалтқышпен ғана сатылады және ең қымбаты болады. Ең үздік Creta Үндістанда 1 999 900 рупия (шамамен 10.7 миллион теңге) тұрады.