Үндістан жол талғамайтын электромобиль шығарады

Mahindra & Mahindra дизайны айрықша, есік топсасы сыртында орналасқан және күштік құрылымы электрлі Thar.e рамалы көлігін таныстырды. Ол әзірше тек концепт және екі қызмет атқарады. Біріншісі — тауар түріндегі электромобиль анонсы болу, екіншісі — бұған дейін Jeep өнімдерінің бірнеше көшірмесін жасаған марканың дизайндағы жаңа бағытын көрсету. Айтпақшы, америкалық компания Үндістандағы өндірушіні сол үшін сотқа тартқан.

Сериялы Thar.e қашан шығатыны белгісіз, дегенмен Mahindra & Mahindra оның техникасына қатысты аз-кем ақпарат берді. Жол талғамайтын машинаның дөңгелек базасы 2775 не 2975 мм болуы мүмкін. Инженерлер екі электромотор қолданып, оны толық жетекті етеді. Агрегатты Volkswagen каталогынан алады екен. Алдыңғы осьте 109 ат күшін (135 Нм) беретін, ал артта 286 ат күшіне ие (535 Нм) қозғалтқыш тұрады. Клиенттер бірнеше батарея арасынан таңдау жасайды. Ең сыйымдысы — 80 кВт·сағ, ол көліктің 450 шақырым жүруіне мүмкіндік береді-мыс.

Компания модельдің болжамды бағасын да атамады.

1 / 9

• 
• 
• 
• 
• 
• 
• 
• 
• 

1 / 9