Бес есікті көліктің шанақ көлемі мен пропорциясы Peugeot 206-ға (3769×1677×1536 мм) жақын, бес адамға арналған, жүксалғыш көлемі — 240 литр. Tiago.ev тұрақты магниті бар синхронды электромотормен жүреді. Агрегат 74 ат күші мен 114 Нм момент береді, алпысқа дейінгі жылдамдықты 5.7 секундта алады. Бұл қалалы жерде жаман көрсеткіш емес.
Үндістандық электромобильдің жүріс қоры батарея сыйымдылығына қарай әртүрлі болады. Сыйымдылығы 19.2 киловатт-сағат IP67 батареясы орнатылған базалық нұсқасының жүріс қоры — 255 км. Ал 24 кВт/сағ батарея 315 км жол жүруге мүмкіндік береді. Тұрақты ток бекетінде бір сағатқа жетпейтін уақытта 10-нан 80 %-ға дейін қуаттауға болады. Өндіруші күштік құрылымның сапасына 8 жылға немесе 160 мың шақырымға кепілдік береді.
Tiago.ev көлігіне тапсырыс қабылданып жатыр. Үндістанда базалық машина — 10 370 доллар, ал батареясы көпке шыдайтын нұсқасы 12 221 доллар тұрады. Бюджеттік модель үшін жабдықталуы жаман емес, екі эйрбэг және ABS, артқы көрініс камерасы, шина қысымын бақылау, 8 динамигі бар әрі Android Auto және Apple CarPlay-мен жұмыс істейтін үздік Harman Kardon мультимедиа жүйесі бар. Бірақ модельдің ең қымбат комплектациясының өзі 14 428 доллар тұрады.
Комментариев: 0