УАЗ «Хантер» — ресейлік Jeep Gladiator

Идея авторы — Ресей және Кеңес көліктерін әрлейтін MetalHeartGarage ательесі. Мысалы, олар бұған дейін V12-мен жүретін купе шанағындағы ГАЗ-24 «Волга» жасаған.

Жаңа жоба «Jeep Gladiator-дың ресейлік баламасы» болады деп жазды «Автопоток» телеграм-арнасы. Ол сериялы УАЗ «Хантерге» негізделген, машина салоны өзгерген жоқ, бірақ жүксалғыш орнына ашық жүк бөлімі орнатылды. Суреттен аспасы көтерілгенін байқауға болады, дөңгелек дискісі мен бампері зауыттық емес екені анық.

Ресейлік «Гладиатор» қандай мотормен жүреді деген сұраққа әзірлеушілер әртүрлі комплектациясы болады деп жауап берді. MetalHeartGarage таратқан ақпаратқа сенсек, машина бағасы 2 млн рубльден басталады.