Ульяндық автокөлік зауыты ең ескі үлгілердің бірін «апгрейдттеді». Бұл жолы инженерлердің қолына «бөлке нанның» жүк және жолаушы тасымалдайтын нұсқасы түсіпті.
УАЗ-3309 үлгісін жолсыз жермен жүруге бейімдемек болған. Жаңа көлікті «Трофи» деп атаған және оны BF Goodrich деп аталатын жол талғамайтын шиналарынан, төбесіндегі экспедициялық жүк салғышынан және артқы есігіндегі сатысынан ажыратуға болады. Алдыңғы орындықтар жылытқышын орнатып, салонды да сәл жетілдіріпті.
Қақпақ астында ешқандай өзгеріс жоқ: 2.7 литрлі қозғалтқыш 112 аттың күшін берді және 5 сатылы механикамен, сонымен қатар демультипликатор мен артқы дифференциалды бұғаттауы бар толық жетекті жүйемен жұптаса жұмыс істейді.
Бағасы көтерілген, әрине. Ресейде мұндай көлікті алу үшін 830 мыңға жуық рубльді санап беру керек. Бұл әдеттегі микроавтобус құнынан 100 мың рубльге жоғары.
Комментариев: 0