Германия бір оқпен екі қоян атуға бел буыпты. G-Class-тың 40 жылдығы мен G55 AMG-дің 20 жылдығын атап өту үшін компания геликтің арнайы нұсқасын шығарып, оны Stronger Than Time деп атады.
Айрықша жасалған G400d, G500 және G63 үлгілеріне де тапсырыс беруге болады. Дегенмен оларды G-Class-тың AMG Line пакетіне ие әдеттегі нұсқасынан ажырату өте қиын. Сырттай көлікті тек Stronger Than Time деген жазуынан танисыз. Дәл сондай белгіні салонынан да табуға болады. Одан бөлек, геликтердің айнасында қараңғыда жерге G логотипі мен арнайы нұсқа атауының нобайын түсіретін ерекше шамдар бар.
Клиенттердің таңдауына интерьер әрлеуінің тек үш түрі ұсынылады: тігісі алтын түстес қара былғары мен ірі тесікті шаған, ашық қоңыр түсті ағашпен үйлескен сарғыш және көк түсті былғары, сонымен қатар рояльдік лак пен сарғыш және қызыл түсті былғарымен әрленген нұсқа. Бұл көліктердің бағасы әзірше белгісіз.
Комментариев: 0