S2000 үлгісінің өндірістегі ғұмыры аяқталған 2009 жылы 84 дана қара түсті родстер шығарылған екен, мына көлік дәл солардың қатарынан. Су жаңа көлік ол кезде салонда 35 465 долларға сатылған еді, он жыл өткенде бағасы шарықтап, 70 мың көк қағазды құрады.
Бағаның бұлай ауытқуы екі есікті спорттық автокөліктің мінсіз күйіне байланысты. Родстер Нью-Йорктегі Honda дилерінің қоймасында сақталғандықтан, бар болғаны 91 миль (146 км) жүріп өтіпті.
Бүгінде он жасар темір тұлпар калифорниялық Сан-Диегода тұр. Көліктің сипаттамасында родстердің 240 аттың күшіне ие 2.2 литрлік мотормен, алты сатылы механикалық қораппен және артқы осіндегі жоғарғы үйкеліске ие дифференциалмен жабдықталғаны жазылыпты. Жиынтық құрамына ксенонды шамдар, шинадағы қысымнан хабар беретін датчик, аудиожүйе, круиз-бақылау, былғары салон мен 17 дюймдік дөңгелек дискілері кіреді.
Bring a Trailer бәс саудасының аяқталуына бірнеше күн қалды, сондықтан бағаның әлі де өсу мүмкіндігі зор.
Қазақшасын 27 адам ғана оқыпты, орысшасын 1300(((