Тюнерлер үш есікті G-Class жасады

Mansory тюнинг-ательесі Mercedes-AMG G63-ке негізделген тағы бір туындысын көрсетті. Бұл жолы мамандар G-Class топтамасына төрт адам отыратын үш есікті нұсқа жетіспейді, оның есігі қозғалысқа қарсы ашылу керек деп шешіпті. Сөйтіп Mansory Gronos Coupe Evo С жарық көрді.

1 / 8

• 
• 
• 
• 
• 
• 
• 
• 

1 / 8

Жол талғамайтын купе жасау үшін ортаңғы тіреуін жылжытып, есігін ұзарту арқылы G-Class шанағын кәдімгідей түрлендіру қажет болды. Автомобиль жобасын әзірлеп, алғашқы сынақ нұсқасын жасауға бір жарым жыл уақыт кеткен. Компания Gronos Coupe Evo С-мен бірге 24 дюймдік FD.15 дөңгелек дискілері мен Fludium Paint Chrome Atmosphere реңін таныстырды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Gronos Coupe Evo С салонына төрт адам сыяды. Арт жаққа отыру үшін алдыңғы орындыққа бүктеу механизмін орнатқан. Басқа жағынан көлік іші Mansory шеберлері жасаған басқа машиналарға ұқсайды. Клиенттер ең жақсы былғары түрлері мен басқа да материалдар арасынан таңдау жасай алады.

Техникасына келер болсақ, капот астында қарапайым Gronos Evo S-тегі сияқты 4 литрлік турбомотор тұр. Қуаты 800 ат күші мен 1200 Нм моментке дейін артқан агрегат 9 сатылы автомат қораппен жұмыс істейді. Жол талғамайтын купенің сегіз данасы шығады. Бағасы белгісіз.