Тюнерлер Cybertruck-ты құрышпен қаптайды

АҚШ-та тюнерлер қорғаныс саласында еңбек ететін мамандармен бірігіп, Tesla Cybertruck-ты ұзақ жолға шыдамды броневикке айналдыруды көздеп отыр. Электропикаптың бірнеше нұсқасы болады.

Ең арзаны — Sting Baja. Оған шеберлер Unplugged Performance бастырығын орнатып, клиренсін ұлғайтады және бортына Starlink интернетіне қосылатын құрылғы, авиациялық отын, дизель не биодизельмен жүретін 800 вольттық AMP Drive G125TM генераторын қояды.

Бағасы сәл жоғары Sting Protector жолсыз жерде еркін жүріп қана қоймай, автономды басқару мүмкіндігі артады әрі 7.62 мм калибрлі оқтан қорғайды.

Ең қымбаты — Sting APC жобасы. Мұндай машина жарылғыш заттың күшіне төтеп береді, оқтан қорғау деңгейі де әлдеқайда жоғары болады. Ол тіпті 14.5 мм калибрлі пулеметтен жауған оқты тоқтатады-мыс.

Әзірше модельдердің бағасы да, қашан жолға шығатыны да белгісіз. Пикапқа қанша салмақ қосылатыны да айтылмады. Бірақ қызыққандар 500 доллар депозит төлеп, алдын ала тапсырыс бере алады.