Түркіменстан басшысы Сердар Бердімұхамедов 9 маусымда Мәскеуге сапары кезінде Aurus Senat Limousine моделін сынап көрді, деп хабарлайды ТАСС.
Түркімен үкіметіне жақын дереккөз ресейлік машина «баллистикалық қорғанысы әлемде ең үздік және ең қауіпсіз көлік болғаны үшін» сатып алынғанын айтады.
6.63 метрлік лимузиннің қорғанысы азаматтық көліктер арасында ең үздік саналады (бронды шанағы Калашников автоматынан 10 метр қашықтықтан атылған 7.62 мм калибрлі оққа төтеп береді, тіпті жарылысқа да шыдайды).
Мемлекет басшысының машина таңдауы саяси ұстанымын да аңғартады. «Аурус» мінсе, Кремльді қолдайды деген сөз.
Aurus Түркіменстанда алғаш рет 2019 жылы тамызда өткен бірінші Каспий экономикалық форумы кезінде көрсетілді. Ресейліктер жаңа лимузинді көлік технологиясы мен жылдамдығына қызығатын сол кездегі президент Гурбангулы Бердімұхамедовке таныстырған. Көп ұзамай Ашхабад үкімет автопаркі үшін марканың барлық моделін сатып алуға ниетті екенін хабарлады.
Комментариев: 0