Turkmen.news хабарлағандай, 24 қараша күні Түрікменстанда қара түсті бөлігі бар машина жүргізуге тыйым салынды. Ондай машинаны тізгіндегендер техникалық тексерістен өте алмайды-мыс. Бұйрықты ел президенті Гурбангулы Бердімұхамедов берген.
Бұл тыйым тек жеңіл көліктерге ғана қатысты ма, әлде жүк көліктерін де қамти ма, белгісіз, бірақ жұрт жаппай көлігіндегі талапқа сай келмейтін бөліктерді ақ түске бояп жатқан көрінеді. Яғни, егер машинада боялмаған пластиктен жасалған тюниг элементі болса, оны ағартуға тура келеді. Басқа деректерге сенсек, қара түсті элементі бар көлік иелеріне айыппұл әлден салына бастапты.
Аталған елде қара және күңгірт түсті көлік мінуге шектеу енгеніне бес жыл болғанын айта кеткен жөн. Мұны Гурбангулы Бердімұхамедовтің ақ түске деген ерекше ықыласымен байланыстыратындар көп. Бұлай жалғаса берсе Түрікменстанда ақ түсті шина пайда болатын шығар.
Комментариев: 0