Reuters агенттігі хабарлағандай, Mercedes-Benz, BMW және Porsche компанияларына тиесілі акциялардың құны Трамп жеңді деген хабардан кейін 3-тен 5 пайызға түсіп кетті. Өйткені АҚШ басшысы шетелде жасалатын көлік импортына қатаң тариф енгізетінін бірнеше рет айтқан.
Неміс автоөндірушілерінің АҚШ-та өндіріс орындары бар. Мысалы, BMW-ның Спартанбургтегі үлкен зауытын қосқанда 12 штатта түрлі деңгейдегі 30 кәсіпорны жұмыс істейді. Дегенмен кейбір модельді Еуропадан импорттауға тура келеді, себебі барлығы АҚШ-та жасалмайды.
АҚШ-ты кім басқаратынына қарамастан, неміс автоконцерндері бұл нарықтан ешқашан кетпейді. BMW бас директоры Оливер Ципсе Америка оның компаниясы үшін басты нарық болып қала беретінін мәлімдеді. Трамп экологиялық шектеуге немқұрайлы қарайтынын ескерсек, АҚШ-та сұйық отын тұтынатын автомобильдердің саудасы қайта жандануы мүмкін.
Комментариев: 0