Трамп неміс автоконцерндерін америкалық етемін деп уәде етті

Республикалық партиядан президенттікке үміткер Дональд Трамп АҚШ-та көлік өндірісін ұлғайтуға қатысты агрессивті стратегиясын өзіне тән мәнерде жариялады.

Трамп ақ үйге қайта оралғанда өндірісін АҚШ-қа көшіретін шетелдік автоконцерндерге жеңілдік жасайтынын, ал Мексика мен Қытайда зауыттары бар көлік импорттайтын компанияларға жоғары салық салуға ниетті екенін мәлімдеді.

Ол жұмыс орындарын сақтап, басқа елдің азаматтарын жұмыссыз қалдыратынын айтты. «Біз олардың зауыттарын тартып аламыз. Біз мыңдаған кәсіпорын мен триллион доллар байлықты АҚШ-қа қайтарамыз», — деп келтірді Трамптың сайлауалды сөзін Carscoops.

Трамп немістерге ерекше көңіл бөліп, барша жұртқа: «Мен неміс автоөндірушілері америкалық болғанын қалаймын. Мен олар зауыттарын осында салғанын қалаймын!» — деді.

Экс-президент BMW-ның Спартанбургте ұзақ жылдар бойы кроссовердің барлық топтамасын жасайтын үлкен зауыты, ал Алабама штатында Mercedes-Benz-тің өндірістік базасы бар екенін әлі білмейтін сияқты.

Бірақ саясаткер қытайларға оң көзбен қарап, «егер зауыт салып, біздің адамдарды жұмысқа алса», оларды өз елінде қабылдауға дайын екенін айтты.