Дональд Трамп Висконсиндегі митингте сөз сөйлеп, қарашада өтетін президент сайлауында жеңіске жетсе, Мексикада шыққан автомобильге салынатын кедендік салықты 200 %-ға көтеруге уәде берді.
Егер экс-президенттің сөзі жүзеге асса, бұл АҚШ тарихындағы ең жоғары тариф болады. Бұл шешім мемлекетаралық, ең алдымен Мексикамен қарым-қатынасқа кері әсер ететіні анық. 2023 жылдың өзінде ол елден АҚШ-қа 3 миллионға жуық жаңа автомобиль кірген, оның жартысына жуығы GM Ford және Stellantis альянсының өнімдері.
Трамп республикашылдар ұсынған экономикалық саясат шетел компанияларын елде өндіріс ашуға ынталандыру арқылы АҚШ-та жұмыс орнын көбейтуге арналғанын айтты, деп хабарлады Carscoops. Ал мұны істеуден бас тартқан компания, шетелде өндіріп, АҚШ-қа импорттаған кез келген тауары үшін жаңа тариф бойынша салық төлейді.
Комментариев: 0