Toyota жуырда bZ3 электромобилін таныстырады

24 қазан күні Toyota bZ3 электромобилін жұрт назарына ұсынады. Төрт есікті көлік Қытайдағы FAW-Toyota бірлескен зауытында шығады. Жергілікті автоөндіруші жапондарға модельді дайындауға көмектесті.

Жаңа bZ3 қандай болатыны биыл жазда белгілі болған. Қытайдың сертификат базасында модельдің камуфляжсыз суреті жарияланды. Кейбір техникалық сипаттамасы да желіде тарады. Ол Toyota Corolla-дан сәл үлкен, ал дөңгелек базасы Camry-ден ұзын. Машина артқы жетекті. 184 және 245 ат күшіне ие екі түрленімі бар екені де белгілі. Көліктің күштік құрылымы мен литий-темір-фосфатты батареясын қытайлық BYD жеткізеді.

Toyota bZ3 батареясының сыйымдылығы, жүріс қоры және бағасы жайлы ақпарат бірнеше күннен кейін жарияланады.