Жол талғамайтын Toyota Tacoma түрленімінің екеуіне де көтеріңкі аспа, шанақ қорғанысы және 16 дюймдік Goodyear дөгелектері орнатылған. Бірақ әр нұсқаның өзіндік ерекшелігі бар.
Trail Edition 4×4 қарапайым «Такоманың» мүмкіндіктерін місе тұтпайтын, бірақ TRD нұсқасының қымбат опцияларын ала алмайтын немесе оларды басы артық санайтын клиенттерге арналған. Сондықтан оларға көлік аспасының жарты дюймге көтеріліп, төменгі бөлігінің қорғалуы және қола түспен әрленуі жеткілікті. Trail Edition 4×4 төрт есікті кабина, бұғатталатын артқы дифференциалы бар толық жетекпен ұсынылады. Бағасы АҚШ-та 38 мың доллардан басталады.
Tacoma TRD Pro жайлы айтсақ, онда аспа едәуір жақсартылған — күшейтілген иінтірек, Fox амортизаторы қойылған, осының арқасында көліктің клиренсі бір жарым дюймге биіктеді. Стандарт жабдықтар тізімінде бейімді жарықдиодты шам мен өзге Tacoma-да кездеспейтін фирмалық зәйтүн түстес сары шанақ бар. Қосарлы кабиналы, толық жетекті жүйе, моторы — 282 ат күшіне ие (359 Нм) 3.5 литрлік бензинді V6. TRD Pro бұл тұрғыда Trail Edition-мен бірдей. Бірақ автомат қорап орнына механикамен жабдықтауға болады. Бұл нұсқаның бағасы кем дегенде 45 мың доллар болады.
Опциялардың толық тізімі кейінірек жарияланады. Toyota Tacoma Trail Edition 4×4 және Toyota Tacoma TRD Pro жаздың ортасында сатылымға шығады.
Комментариев: 0