Toyota ішкі нарыққа арналған жаңа атау — Land Hopper-ді тіркеді. Land Cruiser форумын қолданушылар автоөндіруші осылайша жол талғамайтын машиналар топтамасын кеңейтуге дайындалып жатыр деп болжаса, Toyota болашақта шығатын шағын жол талғамайтын көліктің алғашқы фотосын көрсетіп қойған деп ойлайтындар да бар.
Жаңа буындағы Land Cruiser 250 (Prado) тұсаукесерінде Toyota екі жаңа модель көрсеткен: ірі кроссовер және шағын жол талғамайтын көлік. Біріншісі батареялы bZ топтамасына қосылып, қазіргі bZ4X-тің үлкен нұсқасы болады, ал екіншісі — Compact Cruiser EV концептісінің сериялы нұсқасы. Марка оны 2021 жылы желтоқсанда жария етті.
Шағын батареялы машинамен бірге FJ Cruiser атауы қайта оралады деген болжам бар, концептінің сырт пішінінде ескі модельге ұқсас тұстар көп. Бірақ бренд «прадо» және крузакпен байланысын еске салу үшін жаңа өнімге басқа атау беруі мүмкін.
Land Hopper қандай платформаға негізделетіні әлі белгісіз. Екі моторлы электрокар кроссовер болып, техникалық жағынан bZ индексті электромобильдерге ұқсас болуы мүмкін. Тағы бір нұсқа бойынша марка Land Hopper үшін рамалы жеке платформа дайындайды.
Бірақ Land Hopper атауын бренд Land Cruiser не Prado-ның арнайы түрленіміне немесе тұсаукесерде көрсеткен жол талғамайтын электробайкқа беруі де мүмкін.
Комментариев: 0