Toyota шағын Land Cruiser FJ жасады

Компания Land Cruiser топтамасына кіретін жаңа моделін көрсетті. Ол әйгілі FJ индексін алды. Бұл — ең ықшам жол талғамайтын көлік. Автомобиль Land Cruiser Prado-ға ұқсайды, тек кішірек және басқа платформаға негізделген. Бренд машинаны 2026 жылдың ортасында ресми таныстырады.

Дизайнерлер Toyota Land Cruiser FJ-дің сырт келбетін Prado стилінде сұсты етіп жасаған. Артқы бүйірлік терезелердің жұмыр пішіні мен жуан артқы тіректері бұрынғы FJ Cruiser-ді еске салады. Алдыңғы бөлігі заманауи С тәрізді күндізгі жүріс шамын немесе классикалық дөңгелек фара алды.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Саудаға шыққан күннен бастап Land Cruiser FJ жолсызға арналған аксессуарлармен жабдықталады, арт жақты көруге кедергі болатын қосалқы дөңгелек артқы есікке жайғасқан.

Беби-крузердің салоны да Prado-ға ұқсайды, қырлы геометриялық пішіндер басым. Интерьері топтамадағы басқа модельдермен үйлеседі, онда үлкен экрандар, физикалық батырмалар және классикалық трансмиссия селекторы бар.

1 / 5

• 
• 
• 
• 
• 

1 / 5

Ұзындығы 4575 мм автомобильдің дөңгелек базасы — 2580 мм. Демек жаңа өнім Land Cruiser Prado-дан ғана емес, қазіргі Toyota RAV4-тен де ықшам. Бұл көліктің маневр жасау мүмкіндігін арттыруға бағытталған. Бұрылу радиусы — 5.5 метр. Модельге IMV платформасының жақсарған нұсқасы негіз болды, яғни ол техникалық тұрғыдан Hilux пен Fortuner-ге жақын. Компания платформадағы өзгерістер туралы толық мәлімет бермеді, тек аспасы әлдеқайда қатты екенін атап өтті.

Күштік құрылымы 163 ат күшін (246 Нм) беретін 2.7 литрлік бензинді агрегаттан тұрады. Ол 6 сатылы автоматпен және қосылатын толық жетек жүйесімен жұптаса жұмыс істейді. Басқа сипаттамасы әзірге белгісіз. Toyota бұл модельді электрлі құрылымға көшіруді жоспарлап отырған жоқ.

1 / 10

• 
• 
• 
• 
• 
• 
• 
• 
• 
• 

1 / 10

Land Cruiser FJ-ді Таиландтағы Toyota зауыты құрастырады. Жапониядан бөлек, Оңтүстік-Шығыс Азия, Африка, Латын Америкасы мен Таяу Шығыста саудаланады.