Toyota Retro Cruiser: 1960 жылдар стиліндегі заманауи жол талғамайтын көлік

Toyota SEMA көрмесінде 1999 жылы атақты спортшы Род Миллен атсалысқан тюнинг-жобасын жарыққа шығарды. Retro Cruiser — 1967 жылғы шанақ пен заманауи шасси біріккен қуатты жол талғамайтын көлік.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

1999 жылы Toyota-ның АҚШ-тағы бөлімшесі мен Род Миллен жұрта сол кезде жаңа шыққан Land Cruiser 100-дің артықшылығын көрсетуді шешті. Сол үшін серіктестер FJ45-ке негізделген рестомод жасады.

Донорды небәрі 5 мың долларға алды. Шеберлер машина рамасын 250 мм ұзартып, табанын 100 мм кеңейтті, соған сай шанақты өзгертуге тура келді. «Жүздік» детальдерін пайдаланып шассиді жаңартты, сондай-ақ Retro Cruiser тәуелсіз артқы аспаға ие болды. 17 дюймдік дөңгелек дискісін 35 дюймдік General Tire шинасымен қаптаған.

Капот астында 230 ат күшіне ие 4.7 литрлік V8 мотор бар, ол Land Cruiser 100-дегі сияқты 4 сатылы автоматпен жұмыс істейді. Қозғалтқыштағы жалғыз өзгеріс — тот баспайтын болаттан жасалған Borla газ шығару түтігі.

1 / 3

• 
• 
• 

1 / 3

Интерьері де «жүздіктен» көшірілген, одан қымбат былғары, спутник телефон, навигация және 70 литрлік су ыдысымен ғана ерекшеленеді. Рестомод авторлары осы арқылы салонның кеңдігі мен машинаның алыс сапарға дайын екенін көрсетуді ойлаған. «Жүздік» Land Cruiser сол кезде АҚШ-тағы ең ыңғайлы Toyota моделі саналатын.

Марка 20 жыл бұрынғы Retro Cruiser концептісін көрмеге қою үшін аздап жаңартты: бөлшектеп, тазартып, қайта бояды.