Toyota RAV4-тің экстремал нұсқасын ұсынады

Toyota-ның Солтүстік Америкадағы бөлімшесі SEMA тюнинг-шоуына арналған жаңа концептіні көрсетті. Бұл — жолсызда жүретін жарыс көлігіне айналған RAV4. Әзірлеушілер автомобиль көрмеде көп адамға ұнаса, Toyota RAV4-тің келесі буынына осындай экстремал нұсқа қосу мүмкіндігін қарастыратынын айтты.

Инженерлер кроссовердің жүріс бөлігін реттелетін кастом амортизаторлармен, жаңа аспа иінтіректерімен және алюминий тіректермен жақсартты. RAV4 50 мм биіктеп, ені 160 мм артты.

Көлік қорғаныш пластиналарымен, күшейген табалдырық және жаңа аэродинамикалық бастырықпен жабдықталды. Оған ірі ауа тартқышы бар алдыңғы бампер, ауа өткізгіші бар арка кеңейткіші және үлкен спойлер кіреді. Стандарт дискілердің орнына 17 дюймдік дискілер орнатылды, ал шина өлшемі 265/65R17 болды. Сондай-ақ геометриялық сипаттамасы жақсарған.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Toyota RAV-X 300-ден астам ат күші бар қарапайым гибрид күштік құрылыммен жабдықталған. Әзірлеушілер төмен ауырлық ортасы RAV-X-тің жолсызда басқару қабілетіне оң әсер ететінін атап өтті.

Toyota RAV-X концептісі шағын кроссоверден де қызық және эмоцияға толы көлік жасауға болатынын көрсетеді. Алдын ала мәлімет бойынша концерн модельдің жаңа буынын дайындап жатыр, бірақ RAV4-тің құрылымы мен имиджін түбегейлі өзгертуді жоспарлап отырған жоқ. Қазір кроссовер жақсы сатылып жатқандықтан, терең модернизация негізгі аудиторияға ұнамауы мүмкін.