Toyota Rangga SUV-ді таныстырды

4.5 метрлік Toyota Rangga SUV 2023 жылдан бері жапон маркасының Таиланд пен Филиппиндегі зауытында шығатын Toyota Hilux Champ пикапының жолаушыларға арналған нұсқасы саналады.

1 / 6

• 
• 
• 
• 
• 
• 

1 / 6

Жол талғамайтын көліктің кабинасы, оптикасы, радиатор торы және бампері Hilux Champ-қа ұқсайды. Бірақ жүксалғыш бөлігі жолаушыларға арналған орынға өзгерді. Автомобильде жеті адам сыятын үш қатар кресло бар.

Машина 148 ат күшіне ие 2.4 литрлік 2GD-FTV турбодизелімен жүреді, ол 6 диапазонды автоматпен жұмыс істейді. Көлік толық жетекті бола ма, белгісіз. Ал пикапта толық жетек жоқ болатын.

Rangga SUV-дің жабдықтар тізімінде 7 дюймдік шағын экраны бар әрі Android Auto және Apple CarPlay-мен жұмыс істейтін мультимедиа, екі аймақты климат-бақылау, электрлі әйнек көтергіш, артқы көрініс камерасы, парктроник, екі қауіпсіздік жастығы және ABS жүйесі болады, деп хабарлады GaadiWaadi.com.

Марка модельдің сипаттамасы жайлы толық ақпаратты кейін жариялайды, өйткені ол әлі прототип күйінде тұр. Жаңа өніммен бір платформаны бөлісетін Hilux Champ пикапы 188.7–304.5 млн Индонезия рупиясы (5.9–9.5 млн теңге) тұрады. Toyota Rangga SUV Индонезияда шығады, сол елде және көрші елдерде сатылады.