Toyota концерні Жапонияда Camry өндірісі мен саудасын тоқтатады. Nikkei агенттігі хабарлағандай, Жапониядағы Toyota дилерлері енді Camry-ге тапсырыс қабылдамайды, ал седан өндірісі 2023 жылдың аяғына қарай, бұған дейінгі тапсырыстар орындалған кезде тоқтайды. Себебі түсінікті, күн шығыс елінде Camry алатындар өте аз.
2022 жылы әлемде 600 мың Camry сатылса, Жапонияда седанның 6 мың данасы өтіп, жалпы сауданың 1 %-ын ғана құрады. Toyota жапондар седанды тастап, кроссоверге көшуді жалғастырады деп есептейді, сол үшін олар Camry-дің орнын баса алатын модель іздеп жатыр.
Toyota Camry әлемдік автонарықтан кетпейді. Седан әлемнің 100-ден аса елінде сатылады, оның көбінде модельге сұраныс жоғары. Сондықтан компания Сamry-дің қазіргі буынын жалғасты шығарады әрі экспортқа арнап седанның жаңа буынын жасайды.
Toyota Camry 1980 жылдан бері шығып келеді. 43 жылда әлемде соданның 21 миллионнан астамы сатылды. Мысалы, АҚШ-та Camry көп жыл бойы ең танымал жеңіл автомобиль атанды.
Жапонияда Camry-дің орнын жаңарған Crown басуы мүмкін. Модельдің жаңа буыны кросс-седан, жол талғамайтын универсал, хетчбэк және дәстүрлі седан шанағында шығады.
Комментариев: 0