2021 жылы қыркүйекте Toyota өз еліндегі автокөлік өндірісін 40 %-ға қысқартуға мәжбүр болып отыр. Бұл туралы Automotive News хабарлады. Басқаша айтқанда 360 мың RAV4, Corolla, Camry және бірнеше Lexus моделі кем өндіріледі деген сөз. Жаңа машинаның дұрыс жеткізілмеуі жапониялық бренд сатылатын барлық елде байқалады. Келер айда АҚШ пен Қытайға жіберілетін көлік 80 мыңға, ал Еуропаға баратыны 40 мыңға азаяды. Тіпті кейбір елде жаңа «тойота» мен «лексус» жетпей қалуы мүмкін.
Былтыр жыл соңында басталған жартылай өткізгіш пен микрочип тапшылығы әлемдік автоөндірісті дағдарысқа ұшыратты. Қазір аса маңызды электроника компоненттері шығарылатын Азияда COVID-19-дың дельта штамы өршіп тұрғандықтан, жағдайдың оңалатын күні алыстау сияқты.
Тойота ғана емес, өзге автоөндірушілер де тығырыққа тірелді. Мысалы, АВТОВАЗ 23 тамыздан бастап Тольяттидегі бас зауытта апта бойы жұмыс тоқтап, қызметкерлер демалысқа жіберілетінін (жалақының 2/3 бөлігі сақталады) хабарлады. Демек Lada Largus, XRAY, Granta, Renault Logan мен Sandero уақытша шығарылмайды. Ал «Lada Ижевск» зауыты Lada Vesta-ны құрастыруға өзге компонент пайдаланатындықтан, жұмысын жалғастыра береді.
Комментариев: 0