Toyota-ның жаңа кроссовері BYD агрегатын алды

Бренд көктемде Бейжің автосалонында bZ3C кроссоверін көрсетті, бірақ электромобильдің ресми сипаттамасы әлі белгісіз. Қытай өнеркәсіп министрлігі сертификаттау оның кейбір параметрін жария етті.

Toyota bZ3C-дің сырт келбеті бұрыннан белгілі, министрлік жариялаған суреттер жаңа ақпарат бермеді. Дегенмен өлшемдері белгілі болды: ұзындығы 4780 мм, ені 1866 мм, биіктігі 1510 мм, ал дөңгелек базасы — 2880 мм. RAV4 және Highlander-мен шамалас, бірақ ось арасындағы қашықтық соңғысына жақын. Дискілері — 18 немесе 21 дюйм.

Базалық нұсқа BYD-дің 272 ат күшіне ие электромоторын алады, максимал жылдамдығы — 160 км/сағ. Жаңа өнім BYD FinDreams компаниясының литий-темір-фосфат аккумуляторымен жабдықталады. Сипаттамасы мен жүріс қоры әлі құпия, бірақ Қытайдағы БАҚ автомобиль 500-600 шақырым жүреді деп болжады.

Электромобиль өндірісі биыл төртінші тоқсанда басталуы керек. Жаңа модельді bZ3C платформасын әзірлеуге қатысқан FAW құрастырады. Бұрын Toyota мен BYD арасындағы ынтымақтастық жаңа деңгейге өтеді деген хабар шыққан. Жапондардың Қытай нарығына шығатын гибридтері осы концерннің DM күштік құрылымын алуы мүмкін.