Toyota-ның автопилоты өз көзіне ғана сенеді

Toyota машинаның көру қабілетіне негізделген автономды басқару жүйесін дамытуға ниетті екенін Reuters басылымы жазды. Осы әрекеті арқылы олар былтырдан бері машинасына қымбат радар орнатуды қойған Tesla-дағы әріптестерінің әдісін қолдайтынын аңғартты.

Бірнеше камерадан ақпарат алатын машинаның көру қабілеті мен нейрожеліні пайдалану автономды басқару жүйесін біршама арзандатады. Алайда жасанды интеллект кешеуілдеп дамиды, өйткені оның тиімділігі мен алгоритмдермен жұмыс істеу қабілеті жолда кездесетін түрлі жағдайда мәлімет жинайтын пилотсыз жүйелердің таралу деңгейіне тікелей байланысты.

Бұл мақсатты іске асыру үшін миллиондаған өздігінен үйренетін машина қажет, қазір Toyota-да мұндай мүмкіндік жоқ. Сондықтан маркаға тиесілі жартылай автономды көліктер мен роботакси әзірше алуан түрлі радардан бас тарта алмайды.