АҚШ-та жол талғамайтын көлік аз емес, алайда күллі әлемге танымал бір модельге америкалықтардың қолы жетпей жүр. 2021 жылы J200 кеткен соң Toyota Land Cruiser көзден ғайып болды. Ал былтыр ғана тұсаукесері өткен TLС300-ді жергілікті салондар саудаламады, бұған не себеп болғаны белгісіз.
Бірақ Toyota-ның ресми өкілі аңызға айналған темір тұлпарды жергілікті автосалондарға қайтаруға ниетті сияқты. Бұл жөнінде компания топ-менеджері Джек Холлис MotorTrend басылымына берген сұхбатында хабарлады. Оның сөзінше Land Cruiser АҚШ жолдарына қайта шығып қалуы мүмкін, бірақ біраз күтуге тура келеді.
Land Cruiser 300-ге әлем бойынша сұраныс тым жоғары болғандықтан, жапон зауыттары машина шығарып үлгере алмай жатыр. Тапсырыс бергендер кезегін төрт жыл күтуге мәжбүр.
Комментариев: 0