ANCAP мамандары Land Cruiser 300-дің қауіпсіздігін тексерді. Сынақ 3.3 литрлік дизельді моторы бар жол талғамайтын көлікке жасалды. Нәтижесінде аустралиялықтар машинаның қауіпсіздік деңгейін бес жұлдызбен бағалады.
Бірақ сынақ нәтижесіне толық көз жүгіртсек, «үш жүздікте» кейбір кемшіліктер бар екенін байқаймыз. Кедергіге 50 км/сағ жылдамдықпен тіке соғылғанда рөлде отырған муляждағы сезгектер сәл артық жүктемені тіркеді. Сондай-ақ жүргізушінің оң аяғы жарақаттануы мүмкін екені анықталды.
TLC300-дің бүйірден келген соққыға төзімді екені анықталды, бұл сынақта толық 6 ұпай жинады.
Салондағы балаларды қорғау деңгейі мүмкін болған 49 ұпайдың 43.6-сына (88 %) ие болды, жаяу жүргіншілерді қорғау қабілетін мамандар 81 % (54 ұпайдың 44.02-і) деп бағалады. Автоматты тежеу жүйесі мінсіз жұмыс істеген жоқ.
Ал электронды көмекшілері 16-дан 12.4 ұпай (77 %) жинады.
| Модель | Жалпы рейтинг | Ересек жолаушыларды қорғау деңгейі | Балаларды қорғау деңгейі | Жаяу жүргіншілерді қорғау деңгейі | Қауіпсіздік жүйелері |
| Toyota Land Cruiser 300 |  |
89 % | 88 % | 81 % | 77 % |
Комментариев: 0