Австралиялық БАҚ 2007 жылы жарық көрген Toyota Land Cruiser 200-дің күні санаулы деп жазды. Бұл мәліметті марка дилері беріпті. Toyota «екі жүзінші» модельді көптеп алуға кеңес берген көрінеді, себебі жуырда оны жеткізу тоқтайды. Соңғы легі 2021 жылғы наурызда шығуы тиіс. Бұл Австралия нарығы үшін айрықша нұсқа болады деген болжам бар.
Материалда турбодизельді V8 (1VD-FTW) нұсқасына ерекше мән берілген, себебі аталған елде тек сондай көліктер сатылады.
Соңғы уақытта Toyota Land Cruiser 200-дің сатылымы артты. Қазан айында өткен аймен салыстырғанда 25 пайызға көп көлік сатылды. Мұны мамандар пандемия салдарынан ішкі туризмге деген қызығушылықтың артуымен байланыстырады.
Қазақстанда жаңа Toyota Land Cruiser 200 иесі атану қиындау. Темір тұлпар сатушыларда жоқ, тапсырыс берсеңіз 2021 жылғы көктемге дейін күтуге тура келеді. Бағасы 28.3 пен 39.4 млн теңге аралығында.
Комментариев: 0