Toyota концептісі спорттық Lexus-қа айналады

Жапон концерні Toyota GR GT3 концептісін былтыр қаңтарда көрсеткен. Ол кезде жаңа көліктің дизайнерлік макеті секілді еді. Бірақ компания басшыларының бірі Motorsport басылымына берген сұхбатында оның келешегі зор деді. Лепеннің сөзінше суперкарды жарысқа арналған жолда барынша сынап жатыр екен, оның ішінде Fuji Speedway де бар. Машина жарыс жолына 2026 жылы шығады.

Болид бір жыл бұрын жарық көреді деп болжанған. Toyota суперкардың трек пен жолға арналған нұсқасын бір уақытта таныстырғысы келгендіктен, тұсаукесер уақыты өзгеріпті. Купені құрастыру кезінде қиындық туындап, екі модельдің шығатын уақытын кейінге шегерген.

Машинаның техникалық сипаттамасы белгісіз. Тіпті нарыққа қандай брендтің атынан шығатыны да айтылмаған, бірақ Лепеннің сөзіне сүйенсек, Lexus болады-ау. Осы нұсқасы сақталса, суперкар 470 ат күшіне ие 8 цилиндрлі мотормен жүретін RC F-ті алмастыра алады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Кезінде Lexus-тың LFA индексті суперкары болған. Компания осы тәжірибені қайталайтынын бірнеше рет меңзеді. Жаңа флагман жолға шықса, атышулы Electrified Sport ізін жалғайтын электрокар болатын сияқты.