Toyota Motor концерні 2023 жылғы жетістігін жариялады. Маусымда көлік сатудан рекорд жаңартты. Концерн жаздың алғашқы айында 898 947 автомобиль саудалады, бұл былтыр маусымдағы көрсеткіштен 10 % жоғары. Ал Daihatsu Motor және Hino Motors сияқты еншілес компаниялар саудасын қоса есептегенде 968 801 машина (+9%) өтті. Автоөндіруші сатылым мөлшері бес ай қатарынан өсіп жатқанын хабарлады.
Алты айда әлемде 5.4 млн Toyota, Daihatsu көліктері және Hino коммерциялық техникасы өтті.
Toyota өндірісі де артып жатыр. Қаңтар мен маусым арасында концерн 4 893 771 автомобиль шығарды. Бұл көрсеткіш 2022 жылғы ұқсас мезгілмен салыстырғанда 12.1 % жоғары.
Toyota Motor COVID-19 пандемиясы кезінде туындаған жартылай өткізгіш тапшылығын шешкендіктен, биыл өндіріс көлемі артты деген болжам бар.
Осы қарқынынан танбаса, Toyota биыл жыл соңында әлемдегі ең көп өткен көліктер рейтингінде қайта көш бастауы мүмкін.
Комментариев: 0