Toyota IMV 0 модульді пикабын көрсетті

Жапон бренді IMV 0 шассиін қолдану мүмкіндіктерін көрсететін рендерлер сериясын жариялады. Көлемі Hilux-пен шамалас жүк көлігі әзірше концепт саналмайды, бірақ бір болжам бойынша Toyota-ның жол талғамайтын көліктеріне арналған рамалы платформаға айналады.

Ретрофутуризм стиліндегі екі қатарлы кабинасы бар шассиді Toyota желтоқсанда Таиландта көрсеткен. Сол кезде компания оны модульді өнім деп атағанмен, толық мәлімет бермеді.

Қазір бренд өкілдері модульді деп шассидің жүк бөлігіне түрлі қондырма орнатуға болатынын меңзегені анықталды.Toyota IMV 0-ді жылжымалы дүңгіршек не кафеге, әдеттегі жүк көлігі не фургонға айналдыруды ұсынды. Жаңа шасси негізінде ауыр жағдайға шыдас беретін құтқару көліктерін жасауға болады. Ал жеке тұлғаларға арнап жолсыз жерде жүруге бейімделген машина немесе шағын кемпер ретінде пайдалануға болатын нұсқасын көрсетті.

1 / 8

• 
• 
• 
• 
• 
• 
• 
• 

1 / 8

Toyota тамызда Индонезияда осыған ұқсас бір өнімін таныстырды. Жергілікті бөлімше мамандарының қатысуымен әзірленген концептіні Rangga деп атапты. Оны да бірнеше мақсатта пайдалануға болады. Компания модельді жергілікті нарыққа шығару жоспарда бар деп мәлімдеген, бірақ техникасына қатысты жарытып ештеңе айтпады. Дегенмен Toyota бензинді не дизельді моторы бар рамалы машинадан бөлек оның электрлі нұсқасын шығаруы мүмкін.

1 / 8

• 
• 
• 
• 
• 
• 
• 
• 

1 / 8