Toyota Hilux гибрид болады

Toyota Hilux пикабының гибрид нұсқасын нарыққа дайындап жатыр. Дизельді мотормен жүретін машинада қосымша электр құрылғы болады. Жаңа өнім алдымен Африка мен Аустралияда сатылады. Гибрид Hilux-тың тұсауы Кениядағы «Ралли Сафариде» кесілді.

Компания модельдің бір моторына ғана электрлі қосымша орнатады. Ол — 204 ат күшіне ие 2.8 литрлік дизельді мотор. Оның үстіне толықтай электромотор емес, стартер-генератор ғана. Соған қарамастан Hilux-тың қуаты артып, отын тұтыну мөлшері 10 % азаяды.

1 / 6

• 
• 
• 
• 
• 
• 

1 / 6

Нарық ерекшелігіне байланысты компания сақтықпен әрекет етіп отыр. Өйткені Африка мен Аустралияның алыс аймақтарында plug-in-гибрид үшін инфрақұрылым дамымаған, қуаттайтын жер табу қиын. Бірақ бренд қарапайым гибридтің өзі сол жердің экологиясына оң әсер етеді деген сенімде. Toyota жанармай тұтынуды азайтып, зиян газ мөлшерін төмендеттік деп санайды.

Пикап келер жылы сатылымға шығады. Hilux шағын дизельді және бензинді моторын сақтап қалады. Кейін дәл осындай күштік құрылымды Fortuner-ге қолданады. Болашақта Hilux дәстүрлі батареясы немесе сутекті отын элементі бар электромобильге айналады. Мұндай машинаның өндірісі басталып та кетті, бірақ қашан аяқталатыны белгісіз.