Toyota GR86 әйгілі ливрея мен қуатты мотор алды

Toyota мен Evasive Motorsport ательесі SEMA-2024 көрмесінің басты премьерасы болатын спорткарды таныстырды. Бұл раллиге арналған Celica GT-Four-ға ұқсас стильде жасалған GR86-ның жаңарған нұсқасы. Кастом көлік Celica топтамаға оралады дегенді білдіруі мүмкін.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

GT86 оппозит төрттік мотормен жабдықталатын. Жаңа нұсқасы көлденең орнатылған 1.6 литрлік мотормен және толық жетек жүйесімен жүреді. Мамандар қозғалтқыш үшін мотор бөлігін толығымен өзгертіп жаңа тірек орнатты, жетек орнату үшін алдыңғы аспаны ауыстырды.

Трансмиссия GR Yaris моделінен (кейбір мәлімет бойынша хетчбэктің раллиге арналған нұсқасынан), ал 300 ат күші мен 370 Нм момент беретін турбомотор GR Corolla-дан алынған. Инженерлер қозғалтқыштың рестайлингке дейінгі нұсқасын орнатты, бірақ басқа интеркулер, май салқындату жүйесі және жаңа басқару блогымен жабдықтады. Автомобиль жарысқа арналған амортизаторлар, аспа иінтірегі және артқы дифференциал алды.

1 / 6

• 
• 
• 
• 
• 
• 

1 / 6

Дизайнерлер купеге Celica GT-Four көлігінде болған Castrol ливреясын бейімдеп, ерекше антиқанат орнатты. Машина Speedline дискілері бар классикалық дизайндағы Toyota-ны еске салады.

1 / 5

• 
• 
• 
• 
• 

1 / 5

Toyota спорткарды брендтің спорттағы тарихын еске салу үшін ғана жасағанын атап өтті. Бірақ Celica қайта жанданады деген сыбыс тарағанына біраз уақыт болғанын ескерсек, көптеген БАҚ Toyota спорттық топтамасын кеңейтуі мүмкін деп отыр.