Үндістандық Autocar басылымы Toyota-ның бас инженері Йошики Конишимен жаңа Fortuner туралы әңгімелесті. Бұл көліктің өндірісі 2009 жылы осы елде сәтті локализацияланған. Инженер Toyota Fortuner-дің рамасы (қаңқасы) өзгеріссіз қалатынын айтты. Өйткені бұл модельдің концепциясы ерекше. Сонымен қатар жол талғамайтын көлікке гидравликалық рөл орнына электрлі рөл орнатылады.
Йошики Конишидің айтуынша, Fortuner-де әртүрлі жолда жүргенде жұмыс істейтін тұрақтандыру жүйесі едәуір жаңарған. Қозғалтқыштар топтамасына гибридті нұсқалар енеді, өйткені көптеген елдер үлкен қалалардағы ауа тазалығына алаңдаушылық білдіріп отыр. Қазіргі модель 2,7 литрлік бензин немесе 2,8 литрлік дизельді мотормен жабдықталған.
Қазақстандықтар «Фортюнермен» 2017 жылдың басында қоштасқан. Соған қарамастан хабарландырудан жаңа машиналарды табуға болады.
Комментариев: 0