Toyota ерекше кроссвэн патенттеді

Toyota ерекше минивэннің сырт келбетіне патент алуға өтініш берді деп жазды Carscoops. Эскиздегі көлік компания былтыр Japan Mobility Show көрмесінде көрсеткен X-Van Gear концептісіне қатты ұқсайды. Патентті рәсімдеу Toyota-ның гибрид минивэн мен кроссоверді серияға шығару жоспарын меңзеуі мүмкін.

X-Van Gear өзгеше көрінетін және интерьері бірегей болатын. Қырлы минивэн брендтің соңғы шыққан жол талғамайтын көліктерінің стиліндегі шанақ пішінінен бастап, боялмаған пластиктен жасалған бастырық пен әртүрлі аксессуармен жабдықталып, кроссоверлерге жақын көп мүмкіндіктерге ие болды.

Автомобильдің есіктері жылжымалы болғандықтан салонға кіру жеңілдеді. Жылжымалы үш қатарлы орындықтары интерьерді өзгертуге мүмкіндік береді, оларды жылжытуға немесе бұруға болады. Орындықтар жиналмалы, ортаңғы қатарды бүктеп үстел қылуға, қалған орындықтарды бұрып, тамақтанатын орын жасауға болады.

Өлшемдері — 4695×1820×1855 мм, дөңгелек базасы — 2965 мм. X-Van Gear-ді өлшемдері бойынша Toyota Noah-мен салыстыруға болады. Toyota басқа техникалық сипаттама жарияламады.

Патенттік суреттердегі вэн концептімен бірдей. Мысалы, эскизде төбесіндегі экспедициялық жүксалғыш жоқ, ал дискілердің дизайны өзгерген. Машинаның сырт пішіні, оптикасы, бастырығы, жылжымалы есіктері және артқы тіректердің бірегей дизайны ұқсас.

Жапониядағы ең үлкен көрмелердің біріне Toyota әзірлеген концепт өндіріске дайын болып көрінді. Концерннің құқықты қорғау ниеті модельді өндіріске енгізу кезеңдерінің бірі болса керек. Компания мұндай жоспарларын әлі ресми түрде жарияламады. Патенттерді рәсімдеу бәсекелестердің ықтимал көшірмелерінен қорғанудың бір ғана жолы болуы мүмкін.