Toyota электрлі Land Cruiser-дің концептісін көрсетті

Toyota осы аптада өтетін Japan Mobility Show көрмесінде екі ерекше концептісін көрсетеді. Land Cruiser Se мен EPU-ге қарап марканың электрлі жол талғамайтын көліктері қандай болатынын білуге болады.

1 / 7

Toyota презентовала концепт электрического Land Cruiser

Land Cruiser Se

1 / 7

Toyota Land Cruiser Se моделінің сырт пішіні қазіргі жол талғамайтын көліктен мүлде басқаша. Жаңа өнім bZ4X электрокроссоверіне аздап ұқсайды. Land Cruiser Se алдыңғы және артқы жағындағы жіңішке жарық техникасы және көптеген қара жапсырмамен ерекшеленеді.

Концептінің өлшемі — 5150×1990×1705 мм, дөңгелек базасы — 2050 мм. Демек ол Land Cruiser 300-ден едәуір үлкен. Салонда үш қатар орындық болады, бірақ интерьерінің суреті әлі жарияланған жоқ. Техникалық сипаттамасы да белгісіз. Компания Land Cruiser Se қалада жүруге арналған көлік екенін айтты.

1 / 6

Toyota EPU

1 / 6

Батареялы EPU пикабының сырт пішіні осыған ұқсас стильде жасалған, бірақ ол сәл қысқа, ал дөңгелек базасы сәл ұзын. Өлшемі — 5070×1910×1710 мм, ось арасындағы қашықтық — 3350 мм. Төрт есікті Toyota Hilux-тің ұзындығы – 5325 мм, дөңгелек базасы – 3085 мм.

Land Cruiser Se-ден айырмашылығы – концепт салоны бірде-бір Toyota моделіне ұқсамайды. Мысалы, bZ4X жобасына көптеген сенсорлы батырмасы бар рөлі ғана ұқсайды.

EPU салонында үлкен алдыңғы панель, ірі ортаңғы тоннель және екі үлкен экран бар. Toyota пикаптың да техникалық сипаттамасын жариялаған жоқ.

Концептілер Toyota-ның электрлі жол талғамайтын көліктері қандай болатынын аңғартады. Компания батареялы Land Cruiser мен электрлі пикап шығаратынын бұған дейін айтқан. Соңғысы Ford Maverick немесе Hyundai Santa Cruz моделінің экологиялық таза баламасы болады.

Комментариев: 0