Toyota Crown Жапонияда қауіпсіз көлік атанды

Жапониядағы JNCAP деген атауымен танымал NASVA (National agency for Automotive Safety & Victims’ Aid) агенттігі — EuroNCAP-тың жергілікті баламасы. Жақында өткен арнайы салтанатты шарада агенттік өкілдері 2024 жылдың қорытындысы бойынша өздерінің қауіпсіздік рейтингінің жеңімпаздарын атады. Бас жүлде Toyota Crown седанына бұйырды.

Кешенді сынақта Toyota Crown 197 ұпайдан 188.39 (95 %) ұпай жинап, бес жұлдыз алды. Сынақ жүргізушілері Crown-ның соққы кезінде апаттың алдын алу, жаяу жүргіншілерді қорғау сияқты белсенді қауіпсіздік жүйелеріне мән берді. Мысалы, бұл модельдің электронды жүргізуші ассистенттері 8 ұпайдың 8-ін жинады.

1 / 8

• 
• 
• 
• 
• 
• 
• 
• 

1 / 8

2023 жылы Toyota Crown Sport-тың көрсеткіші 95 % болған, бірақ ол кезде ең қауіпсіз автомобиль атағы бұйырмады. Subaru Crosstrek 98 % алған еді.

Салтанат барысында NASVA агенттігі былтыр сынақта жоғары баға алған басқа модельдерді атап өтті. Mazda CX-80 мен Honda Civic — 95 %, Honda WR-V мен Freed — 90 %, Suzuki Fronx — 84 % алды.